Kung Nakamamatay Ang Pag-Ibig

Kung nakamamatay ang pag-ibig, 

marahil kapag nilunod nito ang iyong puso sa sakit, 

sa hindi malamang mga dahilan ng biglaang pagbitaw, pagkapit at paglayo. 

Kung nakamamatay ang pag-ibig, siguro ay marahil walang salita ang 

maaring makapaglarawan ng sukdulang pagkahumaling at pagkabuo ng puso. 

Kung nakamamatay ang pag-ibig, 

marahil magagawa nitong patahimikin ang pangamba 

at pagdududa sa sarili sa kakayahang magmahal at mahalin pabalik. 

Kung nakamamatay ang pag-ibig,

Marahil ito ay ilimutin ng nagmamahal ang kanyang sarili 

para sa ikagiginhawa at ikapapayapa ng iba. 

Kung nakamamatay ang pag-ibig, 

bakit ang pagkawasak, ay nagiging buo?

Kung nakamamatay ang pag-ibig, 

bakit ang nagmamahal, 

ay nagagawa siyang buhayin nito?