Puting Bandila

Hindi lahat ng pagsuko ay pagkatalo. 

Hindi lahat ng pagbitaw ay tuluyang pagkalas. 

Hindi lahat ng pagtalikod ay tuluyang paglisan. 

Hindi lahat ng pananahimik ay ang tuluyang hindi pagsasalita. 

May pagsuko na hindi pagkatalo ang hatid. 

May pagbitaw na nagpapahiwatig sa pagkapit sa pananalig.

May pagtalikod na ibig balikan 

ang mga dahilan ng pag-iral, 

at ang saysay ng buhay. 

May pananahimik na ang ipakahulugan ay ang pakikinig sa Kanyang tinig, 

na laging nakaugat sa pagyakap, 

at pag-ibig. 

Abellon

22 Hunyo 2024